ПОЧЕТНА / НАЈНОВИ ВЕСТИ / ВЕСТИ / РЕГИОН / Утрово во Битола -5!

Утрово во Битола -5!

Во Берово изутринава во седум часот се измерени минус 7 степени Целзиусови, а во Скопје Петровец, Битола и Лазарополе минус 5. Во Тетово се регистрирани минус 4 степени, во Крива Паланка, Куманово, Претор, Демир Капија, Прилеп, Дебар, Струмица и Штип, минус 3, во Скопје Зајчев Рид и во Охрид минус 2, а минус 1 во Виница….

Управата за хидрометеоролошки работи (УХМР) најавува дека времето денеска ќе биде сончево со слаб до умерен ветер од северозападен и западен правец. Температурата ќе достигне од 8 до 16 степени, а во повеќето котлини околу 10 степени. Утре ќе биде претежно сончево, утрото студено, а во текот на денот со слаб до умерен југозападен ветер.

Во сабота облачноста ќе се зголемува и ќе дува засилен јужен ветер. Попладне на запад ќе започнат врнежи од дожд, а на планините од снег. Преку ноќта кон недела врнежите ќе се прошират во поголемиот дел од земјава. Пообилни врнежи се очекуваат во западните делови. Во недела наутро се уште ќе има локални врнежи од дожд, а во подрачјата повисоки од 700 метри надморска висина врнежите ќе поминуваат во снег (во северните делови можно е снежната граница да биде и пониска). Врнежите во недела нема да бидат обилни, а попладне облачноста ќе се намали.Од понеделник се очекува повторно зголемување на облачноста проследено со повремени локални врнежи од дожд, информира УХМР.

Може да ве интересира

Привремено прифатилиште за бездомници и во Битола

Се отвораат уште три регионални пунктови во Струмица, Струга и Битола, кои ќе ќе даваат …

Напишете коментар

Вашата адреса за е-пошта нема да биде објавена. Задолжителните полиња се означени со *