ПОЧЕТНА / СПОРТ / Селекторот Игор Ангеловски ги одреди фудбалерите за натпреварите против Италија и Лихтенштајн

Селекторот Игор Ангеловски ги одреди фудбалерите за натпреварите против Италија и Лихтенштајн

Селекторот на најдобрата репрезентација на Македонија, Игор Ангеловски одбра 23 фудбалери за двата последни натпревари против Италија (6. октомври во Торино) и Лихтенштајн (9. октомври во Струмица) од квалификациите за СП 2018 година во Русија.

Повратник во националниот тим е Аријан Адеми, а исто така, тука е и Ферхан Хасани кој не настапи со Израел и Албанија поради повреда. Промена има и на голманската позиција, па наместо Дени Илиев, повикан е Дамјан Шишковски.

Во однос на претходниот репрезентативен собир, и дуелите со Израел и со Албанија, на списокот на Ангеловски ги нема фудбалерот од средниот ред Давид Бабунски, кој не добива минутажа изминатиов период во јапонската Јокохама, како и младиот голман на Арсенал, Дени Илиев. Ќе го нема и Мите Цикарски, кој во септември доби дополнителен повик.

Собирот на А репрезентацијата на Македонија е закажан на 2. октомври во 12:00 часот во хотел „Гранд Плаза“ во Скопје.

Може да ве интересира

Бошковски и Еурофарм Работник ја прекинаа соработката

По само пет кола изминати во ракометната Суперлига, промена на тренерската позиција во Еурофарм Работник …

Напишете коментар

Вашата адреса за е-пошта нема да биде објавена. Задолжителните полиња се означени со *